ஈழம்....இருக்கிறதா ஈரம்

 
யாதும் ஊரே யாவரும் கேளிர் 
மீதம் உளரோ ஈழத்தில் கேளிர் ?

செந்தமிழ் நாடெனும் போதினிலே-இன்பத்
தேன்வந்து பாயுது காதினிலே
ஈழம் என்கின்ற போதினிலே
ஈயம் பாயுதோ காதினிலே?

சிங்களத் தீவினுக்கோர்
பாலம் அமைப்போம்
 எங்களின் இனப்பிணங்கள்
அள்ளி வரவோ?

தமிழை பழித்தவனை
தாய் தடுத்தாலும் விடேன்
தமிழரை அழித்தவனை
யார் தடுத்ததால் விட்டீர் ?

பிறப்பொக்கும் எல்லா உயிர்க்கும்
பிறந்து பாரேன்
ஈழத்தில்
தமிழனாய்.


                               -சிவகுமாரன்