கபீரும் நானும் 35

तिनका कबहुँ ना निंदिये, जो पाँव तले होय ।
कबहुँ उड़ आँखो पड़े, पीड गहरी होय ॥

Tinka kabahu na nindiye, paav tale jo hoye

Kabahu udd aankho pade, peed gehri hoye

One should not abuse a blade of grass under one's feet.

If that happens to strike on one's eye then there will be terrific pain.

சிறுஉமி தனையும் "சீ"யென எண்ணி
    சிறுமை செய்யேல் மறந்து.

கருவிழி தொட்டு கண்ணை உறுத்தும்
    காற்றில் உமியது பறந்து.

-----------------------------------------------------------------------------------------------------------------31.

सब धरती कागद करूं , लिखनी सब बनराय ।
सात समुद्र का मसि करूं, गुरु गुण लिखा न जाय ॥

Sab dharthi kaagath karoon , ligni sab banrai

Saath samudhra kaa masi karoon gurugun ligha naa jaay.

Even if the whole earth is transformed into paper with all the big trees made into pens and if the entire water in the seven oceans are transformed into writing ink, even then the glories of the Guru cannot be written. So much is the greatness of the Guru.

கடலே மையாய் காகித நிலத்தில் 

   காட்டு மரத்தால் எழுது 

அடங்கா அதனில் ஆசான் பெருமை.

    அடிகள் பணிவாய் தொழுது .

---------------------------------------------------------------------------------------------------------------------32.

कबीर दर्शन साधु का, बडे़ भाग दरशाय ।
जो होवै सूली सजा, कांटे ई टरि जाय ॥

Kabir dharshan saadhu ka, bade baag dharshai

Jo hovey sooli sajaa, kaante eentari jaai.

It is our fortune to have a chance of meeting saints.
Even the injury by sword will be felt as the touch of a small thorn.

சத்திய ஞானியர் தரிசனம் பெற்றால்

    சகத்தினில் கிட்டும் பேறு .

கத்தியின் குத்தும் குறுமுள் வலிபோல்

     கணத்தில் மாறும் ஊறு .

---------------------------------------------------------------------------------------------------------------------33.

बकरी पात खात है ,ताकि माढी खाल 
जो बकरी को खात है , ताको कौन हवाल 

bakri path ghath hai thaaki maathi ghaal
jo bakri ko ghaath hai thaako koun havaal 

For mere eating leaves and grass the goat gets the punishment of slaughter.
What punishment the man will have who kills and eats the flesh of the goat?

இலையும் தழையும் தின்றதின் பாவம் 
    இறைச்சியாய் ஆனது ஆடு 
தலையை வெட்டி தின்ற உன்  பாவம் 
     தொலைப்பதுவோ பெரும் பாடு. .                
----------------------------------------------------------------------------------------------------------------------34.

चिड़ी चोंच भर लै गई ,नदी घटया ना नीर 
दान दिये धन ना घटै, कह गए दास कबीर 

Chidiya choch bhar le gayi, nathi ko ghatya naa neer
Dhaan dhiye dhan naa ghate , kahu gaye daas kabir.

A river will not have depletion of its water when a Sparrow flies away with a beakful of water.
Similarly one does not decrease his wealth by donating to poor.

குருவி தன் அலகால் கொத்திப் பருகிட 
        குறையுமோ நதியின் நீரும்?
இருப்பதில் கொஞ்சம் இல்லார்க் களித்தால் 
       ஏழையர் ஆவரோ யாரும் ?
----------------------------------------------------------------------------------------------------------------------35.
                                      
                                                                                                                                                                                                                                                                  ...........தொடரும் 

சமர்ப்பணம்:

பன்மொழி வித்தகர் கவிக்கோ அப்துல்ரகுமான் அவர்களுக்கு. 
 . 

சிவகுமாரன் 

காதல் வெண்பாக்கள் 56

போகும் உயிரைப் பிடித்திழுக்கும் ! நெஞ்சமது 

வேகும் வரையில் விடாதிருக்கும்! - தேகத்தில் 

பாதியாய் நின்றே பயணிக்கும் காடுவரை !

ஆதலினால் காதல் சுகம்.

ஊரே வெறுத்தாலும் விட்டு விலகாது !

யாரெதிர் வந்தாலும் நின்றெதிர்க்கும் - தீராத 

போதைதான் ஆனாலும் புத்தி பிறழாது !

ஆதலினால் காதல் சுகம். 

சிவகுமாரன்

ஈற்றடி தந்த நண்பர் விஜூ அவர்களுக்கு நன்றி.

கிளிஞ்சல் பொறுக்கிய நாட்கள்

என்னதான் நடந்தது
டைரியின்
எழுதப்படாத பக்கங்களில்?

நீக்கிவிடலாம்
நினைவில் நிற்காத
நாட்களை
ஆயுட்கணக்கிலிருந்து
அடியோடு.

தினசரிக் காலண்டரின்
நேற்றாய்
கிழித்தெறிந்து விடலாம்
முத்தெடுக்கும் ஆசையில்
கிளிஞ்சல் பொறுக்கிய
நாட்களை.

கனவிலும் சாதிக்காமல்
கடந்துசென்ற காலத்தை
எப்படிச்  சேர்ப்பது
கணக்கில்?

வாழ்ந்து முடிப்பதும்
முடிந்தவரை வாழ்வதுமே
வாழ்வெனில்,
இன்னொரு பிறப்பு
இருப்பது நிஜமெனில்
இறைவா படைத்துவிடு
ஈசலாய் .

சிவகுமாரன் 

கொம்பைத் தீட்டிடடா

எங்கள் தமிழினம் எங்கள் தமிழினம்
  என்றே முழங்கிடடா- இனி
  இதுதான் போரிடும் முறையென உலகம்
  எங்கும் வழங்கிடடா.
பொங்கு தமிழரின் போர்க்குணம் கண்டு
   புவியே மலைக்குதடா -மீண்டும்
   புறப்படு புறப்படு போரிட இன்னும்
   போர்க்களம் அழைக்குதடா.

வெற்றிகள் கண்டு மயங்கி விடாதே
   வேலை இருக்குதடா -நமை
   வீழ்த்திடு வோரை விரட்டி அடிக்கும்
   வேளை பிறக்குதடா.
சற்றும் தளர்ந்து நின்று விடாமல்
   சரித்திரம் படைத்திடடா -உன்
   சந்ததி காக்க செந்தமிழ் வாழ
   தடைகள் உடைத்திடடா.

இத்தனை காலம் பொறுத்தது போதும்
   எதிர்த்து நின்றிடடா - இனி
   எல்லாம் உன்னால் மாறும்! வீதியில்
   இறங்கி வென்றிடடா.
மொத்தமாய் மாறிட தாமதம் ஆகும்!
   முயன்றால் முடியுமடா. -கண்
   முன்னே நடப்பதை தட்டிக் கேட்க
   முடிந்தால் விடியுமடா.

உண்ணக் கொடுத்தவன் வறுமையில் உயிரை
   விடுதல் முறையாடா? -நாம்
   உண்டு களிக்க உழவர் தம்மின்
   உடல்கள் இரையாடா?
தண்ணீர் இன்றி தற்கொலை செய்யும்
   தரித்திரம் துடைத்திடடா -அதைத்
   தடுக்க இயலாத் தடைகள் எல்லாம்
   தகர்த்து உடைத்திடடா!

தலைவனும் வேண்டாம் தொண்டனும் வேண்டாம்
   தமிழே போதுமடா -நாம்
   தம்மைத் தாமே ஆண்டால் கட்சித்
   தலைகள் மோதுமடா.
கலைந்தபின் மறந்திட வேண்டாம்! நெஞ்சில்
   கனலை மூட்டிடடா -தமிழ்க்
   காளையே இன்னும் களம்பல காண
   கொம்பைத் தீட்டிடடா.
 

சிவகுமாரன்

உழன்றும் உழவே தொலை

கடவுள் என்பவன் கால வயலில் 

நடவு செய்ய நினைத்து ஒருநாள்

இந்த நிலத்தில் எறிந்த விதைகளில்

நந்த வனத்தில் விழுந்தவை சிற்சில.

மேட்டுப் புறத்தில் முளைத்தவை சிற்சில.

ரோட்டோ ரத்தில்  வளர்ந்தவை பற்பல.

காற்றின் கைகளில் சிக்கித் தவித்து

சேற்றுக் குள்ளே சிலவிதை மட்டும்

விழுந்தன அவையே உலகம் யாவையும்

எழுந்திடச் செய்யும் எங்கள் கூட்டம்.

நந்த வனமும்  மேட்டுப் புறமும்

எந்த சூழலில் இருந்த போதும்

சோற்றுக் காக ஒவ்வொரு வேளையும்

சேற்றை மட்டுமே நம்பிக் கிடக்கும்.

உழவர் நாங்கள் தின்ற மிச்சமே

உலகம் உண்ட காலமும் உண்டு.

புவியை ஏரால் புரட்டிப் போட்டு

கவிதை எழுதும் கலைஞர் நாங்கள்.

ஏர்முனைப்  பேனா எடுத்த நாங்கள்

கூர்மணற் காகிதம் குத்திக்  கிழித்து

எழுதிய கவிதைக்  கீடாய் எவரும்

எழுதிய தில்லை இல்லவே இல்லை.

இன்றோ..

சுழன்றும் ஏர்ப் பின்னது என்றோர்

கழன்று கொண்டார் காலப் போக்கில்.

எழுதிக்  கிழிக்க ஏர்முனை  இல்லை

உழுது விளைக்க காகிதம் இல்லை.

பச்சை வயல்கள் பட்டா வாகி

மச்சு வீடாய் மாறிப் போயின.

உழுது விளைத்த உழவு மாடுகள்

அழுது போயின அறுபட கேரளம்

பொட்டலாய்ப் போன பூமியை விட்டு

ஒட்டகம் மேய்க்க ஓடினர் பிள்ளைகள்

பிழைப்பைப் பற்றிக் கவலைகள் இல்லை

உழைக்க வேண்டிய அவசியம்  இல்லை.

தலையில் அடித்து தலைவர் சொன்னார்

ஏழைகள் நாட்டில் இருக்கும் வரையில் 

இலவசம் தொடரும் இலவசம் தொடரும்

செலவுகள் பற்றி சிந்தனை வேண்டாம்.

ரேஷனில் கொடுத்த இலவசம் வாங்கி

வாசலில் வைப்போம் வறட்டுப் பொங்கல்.

அடுத்த வருடம் இன்னும் வசதி 

அடுப்பு வேண்டாம் அரிசியும் வேண்டாம்

பாக்கெட் டுக்குள் பொங்கல் அடைத்து

தூக்கிக் கொடுப்பார் தங்கத் தலைவி.

அன்ன பூரணி அல்லக் கையாள் 

சின்னம் மாவின் சேவடி பணிந்து 

கொடுத்த கைக்கு நன்றிகள் கூறி

எடுத்து நக்கி ஏப்பம் விடுவோம்.

நல்லதாய் ஆப்பி(APP ) நாப்பதே எம்.பீ (MB)

ஜல்லிக் கட்டை டவுன்லோட் செய்வோம்.

வீடியோ கேமில் விரட்டிப் பிடித்து 

ஆடி மகிழ்ந்து அடங்கிப் போவோம் .

தைத் திருநாளா  தமிழர் திருநாள் ?

வைத்தான் ஆப்பு  வடக்குத் தலைவன் .

நாடு செழிக்க நல்லோர் வாழ 

வீடுகள் தோறும் விளக்குகள் ஏற்றுக.

எங்கள் வயிற்றில் எரியும் நெருப்பில் 

பொங்குக பொங்கல் பொங்கலோ பொங்கல்.   

சிவகுமாரன் 

முரண்-டு -காளை

அடித்துக் கொல்லலாம்
அங்கம் அறுக்கலாம்.
தோலை உரித்து
தொழிலை வளர்க்கலாம்.
வெட்டிக் கூறிட்டு
வியாபாரம் செய்யலாம்.
வாங்கித் தின்று
வயிறு வளர்க்கலாம்.

கொம்பு சீவி 
குளிப்பாட்டி
மாலையிட்டு 
மணிகள்கட்டி
மந்தையில் விரட்டி
மகிழ்ந்து துரத்தி
தினவு ஏறிய
திமிலைப் பற்றி
ஆரத்தழுவி
ஆண்மைச் செருக்கில்
அடக்கி ஆளுதல்
.......……………………………
அய்யகோ அய்யகோ
அக்கிரமம் கொடுமை.
காட்டுமிராண்டிகள்
காட்டுமிராண்டிகள்.

சிவகுமாரன் 

"தீ"ர்தல்

ஐந்தாண்டுக்கு ஒருமுறை 
தரப்படுகிறது 
ஆளுக்கொரு தீக்குச்சி .
எரிக்க வேண்டியதும் 
ஏற்ற வேண்டியதும் 
எவ்வளவோ இருக்க  
பற்றவைக்கப்படுகிறது
இலவசமாய்த் தரப்படும் 
ஒரு சிகரெட் 
அல்லது 
ஒரு மத்தாப்பு. 

சிவகுமாரன்

 

கபீரும் நானும் 30

हाथों परबत फाड़ते, समुन्दर घूट भराय ।

ते मुनिवर धरती गले, का कोई गरब कराय ॥

Haathon parbat faadte, samundar ghoont bharaye,

Te munivar dharthi gale, ka koi garab karaaye. 

A big mountain was lifted by hands and an ocean was packed in a jar.

The giants who made those world records are not alive 

மலையைத் தூக்கினான் ராவணன் - குடுவையில்

   மாநதி அடைத்தான் மாமுனி.

உலகே வியக்கும் சாதனை - செய்தும்

    உயிருடன் விட்டதா மேதினி?

-----------------------------------------------------------------------------------------------------------------26.

जब मैं था तब हरि नही, अब हरि है मैं नही ।

सब अंधियारा मिटि गया, जब दीपक देख्या मांहि ॥

Jab main thaa thab hari nahi, ab hari hai main nahi 

sab anthiyara miti gaya , jab dheepak dheka maahi 

When I was alive, HE was not there.HE came when I died. 
When there was sunshine , the darkness was found nowhere. 

நானங் கிருந்தேன் அவனங் கில்லை .

    நானிறந்த பின்வந்து நின்றான்.

வானம் கிழித்து வெய்யோன் வந்தபின் 

     வாட்டும் இருளோன் சென்றான் .

                             (மாற்று)

நானங் கிருந்தேன் இறையங் கில்லை .
      நான்மறைய  வந்தது இறையும் .
வானம் கிழித்து வெய்யோன் வந்ததும் 
      வாட்டும் இருளும் மறையும்.  

----------------------------------------------------------------------------------------------------------------27.

कबीर सीप समुद्र की, रहे प्यास प्यास ।

और बूँद को ना गहे, स्वाती बूँद की आस ॥

Kabir seep samuthra ki, rahe pyaas pyaas 

Aur boonth ko naa gahe , swathi boonth ki aas 

The real thirst is that of pearl shell.
Surrounding it, there is plenty of sea water,
but longing for drop from sky .

சிப்பியின் தாகமே தாகம் - விண்ணின் 

   சிறுதுளிக் கெனவே ஏங்கும் .

தப்பியும் கடல்நீர் தன்னை - தாகம் 

    தீரவோ தன்னுள் வாங்கும் ?

--------------------------------------------------------------------------------------------------------------28.

बुरा जो देखण में चला, बुरा न मिलिया कोए ।

जो मन खोजा आपणा, तो मुझ्से बुरा न कोए ॥

Bura Jo Dekhan Main Chala, Bura Naa Milya Koye

Jo Munn Khoja Apnaa, To Mujhse Bura Naa Koye

I searched for the crooked man, met not a single one

Then searched myself, "I" found the crooked one

கெட்டவன் யாரெனத் தேடிப் பார்த்தேன்.

   கெட்டவன் யாரும் இல்லை.

எட்டிநான் ஒருகணம் என்னுள் பார்த்தேன்.

   எனைவிடக் கெட்டவன் இல்லை.

-----------------------------------------------------------------------------------------------------------------29.

चिउंटी चावल ले चली, बिच में मिल गई दाल ।

कहैं कबीर दो न मिलै, इकले दूजी डाल ॥

Chivundi chaval le chali,beech mein  mil gayi dhaal 

kahe kabir dho na milay iklay dhuji daal.

An ant can carry a single rice.
If it likes the grain in its way, it will loose both

உடலின் வலுவால் ஒற்றை எறும்பு

    ஒரேயொரு அரிசியை இழுக்கும்.

இடையில் காணும் இன்னொரு பருப்பின்

       இச்சையால் இரண்டையும் இழக்கும்.

-----------------------------------------------------------------------------------------------------------------30.

....தொடர்வோம் 

சிவகுமாரன்

கபீரும் நானும் 25

पीछे लागा जाई था,  लोक वेद के साथी ।

आगैं थैं सतगुरु मिल्या, दीपक दिया साथि ॥

Peeche laagaa jaayi thaa, lok vedh ke saathi
Aage dhey sadguru milya, dheepak dhiya saathi

I was wandering helplessly in the narrow streets of vedhas .
On the way the Guru met me and handed me the lamp .

வேதம் காட்டும் வழியில் சென்றேன்
   விடியா இருளாய் இலக்கு.

பாதையில் வந்தென் குருவே தந்தார்
    பயணத் துணையாய் விளக்கு.
-----------------------------------------------------------------------------------------------------------------21.

माटी का एक नाग बनके पूजे लोग लगाया ...
ज़िंदा नाग जब घर में निकले ले लाठी धमकाया ...

Maati ka ek naag banake puje log lugaya... 

Zinda naag jab ghar mein nikale le laathi dhamkaya...

People used to make idol of snake and do worship on it.

But when it enters alive into home ,they look for stick to kill it.

பஞ்ச உலோகப் பாம்பினைச் செய்து
    பணிந்து வணங்குவார் நயந்து.

நஞ்சிலாப் பாம்பு வீட்டில் நுழைந்தால்
   நையப் புடைப்பார் பயந்து.

------------------------------------------------------------------------------------------------------------------22.

जिन्दा बाप कोई न पूजे मरे बाढ़ पुजवाया 
मुट्टी भर चावल लेके कौवे को बाप बनाया 

Jintha baap koi na pooje mare baadh pujvaayaa
mutti bhar chaaval leke kauve ko baap banaaya 

People do not take care of their father when he is alive.

After his death , feeding crow with a bowl of rice,

இருக்கும் போதினில் தந்தையை மதியார்

    இறந்தபின் கொள்வார் சோகம்.

உருண்டைச் சோறு உருட்டி எடுத்து
   உரக்க அழைப்பார் காகம்.

--------------------------------------------------------------------------------------------------------------------23.

तेरा साई तहज में  जो  पुहुपां  में बॉस 
कस्तूरी मिर्गा का ज्यो फिर फिर डूंडै घास..

tera saayee thuj mein jo puhupan mein baas

kasturi mirga ka jyo phir phir doondai ghas.

..

Your God is within you but you are searching outside.
Just as the kasturi deer searches for the smell and odour
 without knowing that they come only from inside its body.

தன்னுள் இருக்கும் சுகந்தம் அறியா.
  தேடும் புல்லில் கஸ்தூரி.

உன்னுள் உறைவான் உந்தன் கடவுள்.
  உன்னை நீயே கண்டுஅறி.
-------------------------------------------------------------------------------------------------------------------24.

गोता मारा सिंधु में, मॊती लाये पैठि 
वह क्या मोती पायेंगे, रहे किनारे पैठि 

Gothaa maara sindhu mein mothi laye baiti
vah kya mothi paayenge rahe kinare baiti 

Those who dare to go into deep sea will bring pearl.
How will they get it if they remain in seashore .

ஆழக் கடலில் குதித்தால் தானே

   அள்ளி வரலாம் முத்து.

கோழை போலக் கரையில் நின்றால்
    கிளிஞ்சல் தானுன் சொத்து.

----------------------------------------------------------------------------------------------------------------------25.

...தொடர்வோம்.. .

சிவகுமாரன் 

மரங்கள்

எல்லா மரங்களும்
போதிமரங்களே.
பொல்லா மரங்களென்று 

பூமியில் இல்லை.

மரங்கள்
புத்தனைப் போன்றவை.

அதிகம் ஆசைப்படுவதில்லை .

வேர்நீட்டம் தாண்டி
விருப்பம் வளர்ப்பதில்லை.

மரங்கள்
வரையறுத்து வாழ்கின்றன.
இருக்கும் இடம்விட்டு
எங்கும் பறப்பதில்லை
இரைதேடி.

மரங்கள்
இயேசுவைப் போன்றவை.
ஒருகிளை வெட்டினால்
மறுகிளை காட்டுகின்றன.

மரங்கள்
கீதைக்கும் மேலானவை.
அவை
கடமையச் செய்கின்றன.
நாம்
பலனை அனுபவிக்கின்றோம்.

எல்லாப் புகழும் 

இறைவனுக்கே என்றார் நபிகள்.
எல்லா உறுப்பும் 

மனிதனுக்கே என்கின்றன

மரங்கள்.

மரங்கள்
பொதுவுடைமைவாதிகள்
அகன்ற  மரங்கள்
அணைத்துக் கொள்கின்றன.
பலமற்றக் கொடிகள்

பற்றிக் கொள்கின்றன.

மரங்கள் 

வழிப்போக்கர்களின் 

வசந்த மண்டபங்கள்.

களையெடுக்கும் பெண்களின் 

கைக்குழந்தைக் காப்பகங்கள் .

அழகுப் பிள்ளையாரின் 

அரச மரத்தடி. 

புத்தனின் போதிமரத்தடி
மாணிக்க வாசகரின் 

குருந்த மரந்தடி
எத்தனையோ ஞானிகள்
இருந்த மரத்தடி.
.......……………
ஞானம் பிறப்பித்தவை
மதங்கள் அல்ல.
மரங்களே.

வீட்டுக்கொரு மரம் வளர்ப்போம்.
வீட்டுப் பிள்ளைகள்
விட்டுப் போனபின்
தோட்டத்து மரங்களே
துணையிருக்கின்றன.

ஈசன் எந்தை இணையடி நிழலே
என்றார் அப்பர்.
வீசும் தென்றல் மரத்தடி நிழலே
என்பேன் நான்.

சிவகுமாரன்