வரட்டுமே வறட்டு"மே"

வியர்வைத் துளிகளால்
நிரம்பி வழிகிறது
கோப்பை.

தொழிற் சங்கங்களில்
தோண்டத்  தோண்ட
தங்கச் சுரங்கங்கள்.

சிவகாசி முழுக்க
சிவப்புப் புரட்சி தான்.
பட்டாசும்  இரத்தமுமாய்  .

அழகருக்குத் திறந்த
வைகைத் தண்ணீர்
வயிறு கழுவுமோ ?

விடுமுறை, ஒய்வு
பென்சன், பி.எஃப்
அம்மாவுக்குண்டா ?

மே  ஒண்ணு
ஏப்ரல் ஒண்ணு
எல்லாம் ஒண்ணு.

சிவகுமாரன் 

ஹைக்கூ முத்தங்கள் 55

சில்லென்று வீசும்
சிறுமழைத் தூறல்
இயற்கையின் முத்தம்.

காதுகளை வருடும்
காற்றின் இதழ்கள்
இசையின் முத்தம்.

தெளிவின் கதவை
திறக்கும் சாவி
அறிவின் முத்தம்.

இருட்டு மாட்டை

விரட்டும் சாட்டை
ஒளியின் முத்தம்.

இருப்பின் கதவை

இறுக்கும் பூட்டு.
சாவின் முத்தம்.

-சிவகுமாரன்

நன்றி:

ஈற்றடி கொடுத்து எழுதத் தூண்டிய அப்பாத்துரைக்கு

இன்னும் முத்தங்கள் பெற இங்கே செல்லவும்.

ஹைக்கூ கவிதைகள் 50

பச்சை வயலின்  

பரிணாம வளர்ச்சி

மச்சு  வீடுகள்

விரட்டப்பட்டனர் பிச்சைக்காரர்கள்.

வெகு விமரிசையாய்

அன்னதானம்.

என் வீட்டில் திருட

எனக்கே லஞ்சம்.

ஓட்டுக்குப் பணம்.

முதுகில்  தொற்றியது  குழந்தை.

இறங்கிக் கொண்டது

அலுவல் அழுத்தம்.

காலை  கடித்ததாம்

வேறு செருப்பு கேட்டாள்.

கையை கடித்தது.

- சிவகுமாரன்

ஹைக்கூ கல்லூரி 45

போகட்டும் விடு 

அடுத்த பஸ்ஸில் ஏறலாம்

கூட்டமேயில்லை .

பூக்கள் வேண்டாம்

பூஜைக்குப் பறித்துக் கொள்

அவளுக்கு லீவு

டக்கர் பிகரு

சைட் அடிக்க முடியாமல் ...

லேடி கான்ஸ்டபிள் .

அவளின் ரிங்டோன் 

இடைஞ்சலாய் 

அப்பாவின் குறட்டை.

பைக் இல்லை செல் இல்லை
பழக  ஒரு பிகர் இல்லை 

பாழாய்ப் போக,,, கல்லூரி.

ஹைக்கூ முத்தங்கள் 40

கூட்டுக்கு இரை கொணர்ந்த
குருவியின் அலகு
தந்தையின் முத்தம்.

                              
                              
                              
                                   வறண்ட நிலவெடிப்பில்
                                   வானின் மழைத்துளி
                                   தாயின் முத்தம்.

விரிந்த பூவிதழில் 
விழுந்த பனித்துளி
மழலையின் முத்தம்.

              வெண்ணெய் தடவிய
              வெண்ணிலாக் கீற்று 
              காதலி முத்தம் 

சூரியக் கதிரில்
சொட்டும் தேன்துளி
மனைவியின்  முத்தம்

ஹைகூ கோலங்கள் 35

நீளம் தாண்டிப் பழகணும்
கோலம் போட்டிருக்காக
குமரிப் பொண்ணுக

தெருவடைத்த கோலம்

அழிக்க மனமில்லாமல்
அடுத்த நாள் காலை.

                    பூக்கோலம் நடுவே
                    பூத்திருக்கு நிசமாய்
                    பூசணிப் பூ

                                    கோலமிடும் அழகை
                                    கூட்டிக் காட்டுது
                                    கூந்தல் சொட்டு நீர்

               பேகன் வந்தானோ...?
                மார்கழிக் குளிரில்
                மப்ளர் கட்டிய மயில்.

ஹைகூ கவிதைகள் 30

பஞ்சம்தான் எங்கும்
ஆனாலும் மழை  வேண்டாம்
வீடு சேரும் வரை.


நிறைமாத கர்ப்பிணியாய்
வாசலிலேயே
தோரண வாழை.


ஊருக்குப் போன
மனைவியின் ஞாபகம்.
கடையடைப்பு.


எம்.எல்.ஏ. இறந்தார்
இதயம்  குளிர்ந்தது
இடைத்தேர்தல்.

குறுக்கே புகுந்த பூனை
அடிபட்டு இறந்தது.
சகுனம்.....?

                        -சிவகுமாரன்

ஹைகூ கவிதைகள் 25

வீணாய்ப்போகிறது மழை.
குறுக்கும் நெடுக்குமாய்
அம்மா.


கல்லெறிந்து நிலவை
காயப்படுத்தியது யார் ?
நீருக்குள் நிலவு.


கொட்டித்தீர்க்கும் மழை.
கும்மாளமிடலாம் குஷியாய்
அம்மா ஊருக்கு.


சாலையில் விபத்து
வேண்டிக்கொண்டது மனம்.
தெரிந்தவராய் இருக்கக்கூடாது.

தாடி வளர்த்த தாத்தா
பிடித்திழுக்கும் பேரன்.
ஆலவிழுதில் குரங்கு.

                      -சிவகுமாரன்

ஹைகூ கவிதைகள் 20 (ஈழம்)

இந்தியாவின் கீழே
இரத்தத் துளி
இலங்கை.


நிலவை முத்தமிட 
நீளும் தென்னை.
ஈழக் கனவு.

அமைதிக்குழுவின்  ஆராய்ச்சிமுடிவு.
முத்திரைச் சான்றோடு
முள்வேலிகள்.

இனவாதம் தூண்டும்
இலங்கைத் துறவிகள்.
இரத்தம் மரணம் அச்சோ...மி .

ஆட்டுக்கிடைக்குள்ளும் 
அவதரிக்காதோ ஓர்நாள்
புலிக்குட்டி.

                      -சிவகுமாரன்

ஹைகூ கவிதைகள் 15

ஓவியம் பழகும்
தூளிக் குழந்தை.
மூத்திரக் கோடுகள்.

இடையே வலிக்குமோ
இறக்கைகள்.
கடல் தாண்டும் பறவை.

தொலைந்த பர்ஸில்
பணம் அட்டை இத்யாதியுடன்
அம்மாவின் படம்.

நீருக்குள் வாளி
சுலபமாய் இழுத்தேன்
கவிதையுடன் வாழ்க்கை.

கிளைத்து வளர்ந்தது
கிளியின் எச்சம்
சுவற்றில் ஆலமரம்.

                               -சிவகுமாரன்

ஹைகூ கவிதைகள் 10

     

வரதட்சணையாய் வந்த டீவியில்
பரிதாபமாய்
மாமனார் முகம்.

மாமனார் வாங்கித்தந்த
ஃபிரிட்ஜ் முழுவதும்
ஐஸ் வாட்டர்.

இன்று ஏன் வரவில்லை
பிச்சைக்காரர்கள்?
பானை நிறைய பழையது.

ஊர் கிடக்கட்டும்
ஓடிப் போகலாம் வா.
நகைகளுடன்.

வரைந்த கோலத்தில்
மறைந்து போயின
புள்ளிகள்.

              -சிவகுமாரன்.

ஹைகூ கவிதைகள் 5

சேலை கிழிந்தது
மகளுக்கு மகிழ்ச்சி
தாவணி.

ஒழுங்காய் சுத்தமாய்
அழகே இல்லாமல்
குழந்தை இல்லா வீடு.

சுடாதே சுடாதே
அழுதது குழந்தை
பலூன்கள் பாவம்

பேய்வாழும் மரத்தடியில்
ஒய்யார உறக்கம்
வெளியூர்க்காரன்.

குருட்டுப் பிச்சைக்காரனின்
கோணி விரிப்பில்
செல்லாக்காசுகள்.